北韓, 我支持你，點解你唔支持我？

今日凌晨係屋企睇巴西對北韓。朋友Wilson話買埋波去睇會更刺激。好！即刻買。上一屆我係德國現場睇巴西對日本，日本先入波。頂到上半埸加時先俾巴西入番粒。下半埸巴西發圍，狂入3粒，4比1擊退日本仔。懷著對神祕北韓的支持以及上屆巴西對日本的經驗，我買咗半全場客主35倍（即係上半場北韓領先，下半場巴西反超前勝出）+ 北韓先入波；為心安，再補多3飛巴西勝2：0，3：0，4：0，每注$100。坐定等收35倍嘅半全場客主。點知巴西先入波，首先搣咗兩張飛。之後巴西再入一球，心想都好，個注2：0幫我取回$500。韓國佬完場前入咗漂亮嘅一球，但同時將我其他3張飛搣埋！

北韓, 我支持你，點解你唔支持我？